KJALARNES

Björgun fær lóð í Álfsnesvík

Fréttatilkynning

4.6.2019

Björgun og Reykjavíkurborg undirrituðu samkomulag í gær um að Björgun fái lóð undir starfsemi sína í Álfsnesvík.

Reykjavíkurborg hefur veitt Björgun vilyrði um lóð undir starfsemi sína við Álfsnesvík. Björgun sem vinnur að dýpkun og uppdælingu steinefna úr sjó er hætt starfsemi sinni við Sævarhöfða.

Read more: Björgun fær lóð í Álfsnesvík

Framtíðarsýn Kjalnesinga - hafðu áhrif

Starfshópur um þjónustu á Kjalarnesi boðar til vinnustofu með íbúum. Markmiðið er að ræða saman um þjónustu borgarinnar á Kjalarnesi og móta hugmyndir til framtíðar. Efni sem verður til á vinnustofunni verður notað í skýrslu sem verður lögð fyrir borgarráð á haustmánuðum. Vinnustofan gefur íbúum tækifæri til að leggja sitt af mörkunum í þróun þjónustu í sínu hverfi.

Grafarvogur og Kjalarnes - Uppstilling kjörseðils Hverfið mitt

Vilt þú hafa áhrif á hverfið þitt? - Íbúar stilla upp kjörseðli
Grafarvogur og Kjalarnes - 5. júní 2019 frá kl. 16-18, Hlaðan, frístundamiðstöðin Gufunesbær við Gufunesveg, 112 Reykjavík.

Undanfarin ár hafa hverfisráð tekið ákvarðanir um hvaða 25 hugmyndir af innsendum tækum* hugmyndum fara í kosningu. Í ár ber svo við að ný hverfisráð taka ekki til starfa fyrr en í haust. Því hefur Reykjavíkurborg ákveðið að opna samráðsferlið og gefa íbúum og hagaðilum í hverfunum kost á að velja þær hugmyndir sem verða á kjörseðlinum.

Read more: Grafarvogur og Kjalarnes - Uppstilling kjörseðils Hverfið mitt

Starfshópur um þróun þjónustu á Kjalarnesi

Á fundi borgarráðs 7 mars síðastliðinn var lagt fram bréf borgarstjóra, dags. 5. mars 2019, þar sem erindisbréf starfshóps um skoðun og þróun þjónustu á Kjalarnesi er lagt fram til kynningar.

Tilefnið er að liðin eru 20 ár frá sameiningu Kjalarneshrepps og Reykjavíkur, á þeim tíma vann starfshópur tillögur sem fengu nafnið "Bláa Bókin" um þjónustu og verkefni á Kjalarnesi. Lagt er til að starfshópurinn skoði almenna þróun á Kjalarnesi sem og þessar tillögur "Bláu bókarinnar" og fleiri og hvað hefur ræst af þeim.

4 fulltrúar í starfshópnum eru skipaðir af stýrihóp um innleiðingu Þjónustustefnu og tveir frá Íbúasamtökum Kjalarness. Stjórn ÍK hefur valið þá Guðna Ársæl Indriðason og Reyni Kristinsson til að taka sæti í starfshópnum.

Erindisbréf

Fundur um landbúnaðarstefnu fyrir Kjalarnes

Reykjavíkurborg boðar til kynningarfundar 5. júní nk. um drög að samantekt starfshóps um landbúnaðarstefnu fyrir Kjalarnes. Fundurinn verður haldinn í Fólkvangi í Grundarhverfi og hefst kl. 20.00.